მე წითელი მქვია

•  ბედნიერება ერთსულოვნებაშია და სწორედ ერთსულოვნებაა ბედნიერება

რა არის წამება? - იძულებითი ხერხი ქვეყნად ალაჰის სამართლიანობის დასამკვიდრებლად.
რა არის ქალი? - ალაჰთან დაშორებისა და სატანასთან შეკვრის წინაპირობა;
რა არის რჯული? - მბრძანებელი, რომელიც ამბობს, რომ უმჯობსია, ქორწინებამდე კაცმა ქალი არ ნახოს;
რა არის ვნება? - სასიამოვნო ჩვევაში გადასული ის, რისი დაკმაყოფილებაც ქალის მაგივრად ლამაზ ბიჭებთან მეგობრობით შეიძლება.
რა არის ნახატი? - სხვა არაფერი, თუ არა ფერთა ერთობლიობა - პერპექტივისა და შუქ-ჩრდილების გარეშე.
რა არის ძაღლი? - სხვა არაფერი, თუ არა უწმინდური ცხოველი;
რა არის სატანა? - მხოლოდ ალაჰის საპირწონე;
რა არის სიკვდილი? - ის, რასაც არავინ იცნობს, მაგრამ ყველა ხატავს;
რა არის ჭეშმარიტი ხე? -  ფურცელზე გამოსახული მისი იდეა;
რა არის სიბრმავე? - ჭეშმარიტი მხატვრის მარადიული დარდი, ფარული ოცნება და ალაჰის საჩუქარი;
რა არის სტილი? - ცოდვა. ის, რაც ერთს მეორისგან გამოარჩევს;
ვინ არის მხატვარი? - ის, ვინც ცდილობს ალაჰს გაუთანაბრდეს, ვინც ცდილობს წარმოიდგინოს ალაჰის ხედვა და ის, ვინც ამის გამო აუცილებლად დაიწვება ჯოჯოხეთის ცეცხლში;
 ვინ არის მკვლელი? - ის, ვინც ტრადიციების გადარჩენას ცდილობს;

რა არის ფერი? - ყრუთა მუსიკა, სიბნელეში გაგონილი სიტყვა, თვალის შეხება.
ფერი მშვენიერებაა, რომელიც ალაჰს ეკუთვნის;

ფერი - ყველა არ არის ერთი;
ყველა არ არის მთელს სამყაროში:
ყველა არ არის ძლიერი;
ყველა არ არის გამორჩეული;

მე ყველგან ვარ - მთელს სამყაროში;
მე ვარ თქვენთან და თქვენში;
მე ძლიერი ვარ - ყველასგან გამორჩეული;
მე წინ ვერაფერი დამიდგება;

მე ვარ ის, ვისაც ალაჰი თავის მონებს უმალავს;
ჩემი ნახვა მხოლოდ სისხლსა და დიდი მხატვრების ნახატებში შეიძლება;
მე ოცნება ვარ - ურომლისოდაც დრო არასოდეს გავა;
მე რეალობა ვარ, რომელიც არ არსებობს.

მე სამყაროს ცენტრი ვარ;
მე აღმოსავლეთიც ვარ და დასავლეთიც;
მე ვარ ღმერთიც და სატანაც;
მე წითელი მქვია.