Thursday, July 11, 2013

თბილისის ლუდის ფესტივალი

ალკოჰოლური სასმელის მოყვარული არასოდეს ვყოფილვარ. მაშინაც კი, როდესაც უნივერსიტეტში მეგობრები ლექციების შემდეგ აქეთ-იქით დავწანწალებდით, სხვები რომ ლუდს იღებდნენ, მე ფანტას ვეძალებოდი ქილაში. :)

ლუდი მოგვიანებით გავსინჯე. ახლაც ვსვამ, მეტ-ნაკლები სიხშირით, მაგრამ არ მიყვარს. მიუხედავად ამისა, ყოველთვის მინდოდა, ლუდის ფესტივალზე მოვხვედრილიყავი. ოქტობერფესტამდე, თბილისში.

ლუდის ფესტივალი აგერ უკვე მეოთხედ იმართება, თუმცა მე წელს პირველად ვაპირებ წასვლას. შარშან და შარშანწინ გული დამწყდა რომ არ ვიყავი. მართალია, ბევრი ბუზღუნებდა რაღაც-რაღაცებზე, მაგრამ საბოლოოდ, ფესტივალზე ყველა იყო, მაინც კარგად გაერთნენ და იმხიარულეს.

ჰოდა, წელს გადავწყვიტე, წინა დაკარგული წლები ავინაზღაურო და მინდა, ფესტივალისათვის დათმობილი ორივე სრული დღე, ვარდების მოედანზე გავატარო.

როგორც ვიცი, ფესტივალის გახსნა შაბათს, 4 საათზე იგეგმება. რუსთაველიდან ფეხით მსვლელობა მოეწყობა ვარდების მოედნამდე და ჯერ იქ იქნება ხალისობა. :) მერე კონცერტებიც იგეგმება და ა.შ.

ყველაზე საინტერესო რაც არის, ესაა ლუდი. რატომღაც, საქართველოში ბევრი ფიქრობს, რომ გერმანიაში ოქტობერფესტზე, ლუდი უფასოა. ეს მაშინ, როცა ძალიან ძვირი ღირს. შარშან და იმის წინ, ბევრს გამოუთქვამს უკმაყოფილება ლუდის ფასთან დაკავშირებით (არადა, მიზერული ფასი ღირდა). თუმცა, აქვე უნდა აღვნიშნოთ, რომ ლუდი იყო თბილი, ქაფის გარეშე, უგემური და ა.შ. და ა.შ.

წელს ყველაფერი იქნება განსხვავებულად. ანუ, ფულის მაგივრად ლუდი კუპონებზე გაიცემა. ერთი კუპონი 1.5 გელა ღირს. ყველა ლუდს სხვადასხვა ფასი აქვს.თანაც, კუპონები ერთ ადგილზე არ გაიყიდება და იქ ზედახორა არ გაჩნდება.

იქნებიან პრომო გოგონები, რომლებიც აქეთ-იქით იმოძრავებენ და კუპონის ყიდვის საშუალება სხვადასხვა ადგილას იქნება. ლუდის ფასს რაც შეეხება, შარშან ერთი ლუდი ღირდა 1 გელა, მაგრამ წელს ბევრი სახეობის ლუდია ჩართული ფესტივალში და ფასებიც განსხვავებულია. სხვათაშორის, შეგიძლიათ, Beerfest-ის ბლოგზე თავად ნახოთ მსოფლიოში ათი საუკეთესო ფესტივალი და მათი ფასები, შეადაროთ და დარწმუნდეთ, რომ წელს ლუდი სულაც არ ღირს ძვირი.

რაც შეეხება წუწუნს იმის შესახებ, რომ ფესტივალში მხოლოდ ქართული ლუდები მონაწილეობენ და მხოლოდ ნატახტარია, სიმართლე რომ ვთქვა, მიზეზს ვერ ვხვდები. მე სხვა ლუდებიც მაქვს გასინჯული (თურქულ EFES-ს მართლა არაფერი შეედრება ოღონდ რაც აქამდე გამისინჯავს საქართველოში), მაგრამ  მათ შორის, ნატახტარს ყოველთვის ვამჯობინებ. იმიტომ, რომ რბილი და რაღაცნაირი გემო აქვს. 

ჰხოდა, მე, პირადად, ძალიან ველოდები შაბათ-კვირას. ბოლობოლო, იმას მაინც გავიგებ და დავინახავ საკუთარი თვალით, რაზეც წინა წელს წუწუნებდნენ. რადგან მე ლუდი დიდად არ მიყვარს, უფრო მეტად, ლაინ აფს და მუსიკას ველოდები, რომელიც ფესტივალზე იქნება. 

ალბათ, რადგან ახალი ვარ ფესტივალზე, საინტერესო იქნება ჩემი შემაჯამებელი პოსტიც. პირველ რიგში, ჩემთვის. :)

ჰოდა, ველოდები ლუდის ფესტივალს. თუნდაც მხოლოდ იმიტომ, რომ ძალიან მაგრად ვაპირებ გართობას და მხიარულებას. 

4 comments:

boloblogi said...

ვერაფრით შევიყვარე ლუდი, არადა გულით მინდა ))))

Sophie Golden - bitching about Georgian BULLSHIT Beer Fest :P said...

vai vai vai, ufro sworad, fui fui, Turquli ludio :((( hafsus qartuli gvinis qveyanashi ra gvinos gasmeven :(((

tan kidev es shekvetili postebi ertmanetze ugimgamo romaa, es "miyvars" ertob :D :P

Same as above said...

p.s. gvinos ki ara, luds. vitom luds :P

Anonymous said...

საქართველო ღვინის ქვეყანაა, მაგრამ თუ მოვინდომებთ არც ლუდის ხარისხით ჩამოვღცებით ევროპის წამყვან ქვეყნებს...ზაფხულში ცივი ლუდი საუკეთესო საშუალებაა გასაგრილებლად... ცუდი პოსტი არ არის, სასიხარულოა, რომ საქართველო ცდილობს დაეწიოს ევროპას და თავის ქვეყანაშიც დაამკვიდროს "Oktoberfest"-ის მსგავსი სახის ფესტივალები. ჩემს წინამორბედებს კი მოუვუხმობდი უფრო მეტი გულისხმიერებისკენ. მივცეთ ერთამენთს სიტყვის თავისუფალი გამოთქმის საშუალება და ვცეთ ერთმანეთს პატივი...არ დავიღალეთ ერთმანეთის "ჭამით"...

Post a Comment

სექტანტებო, კართან ფეხები გაიწმინდეთ და კომენტარები მტყვლიპეთ. კვალის დაუტოვებლად წასვლა უზრდელობა არსო, წინაპართა სულები გვიქადაგებენ.

 
Powered by Blogger